Haradinaj i habitur që opozita s’mori pjesë në votimin e buxhetit




Kryeministri i Kosovës, Ramush Haradinaj, ka shprehur habinë për bojkotimin nga opozita të seancës së sotme ku u votua në lexim të parë Projektligji për Buxhetin e Kosovës për vitin 2018.

Në një prononcim për gazetarët ai theksoi se “është e habitshme” që deputetët e LDK-së e Vetëvendosjes nuk morën pjesë në një seancë për një ligj kaq të rëndësishme, që ka ndikim për mijëra mësimdhënës, mjekë e kategori të tjera, raporton Ekonomia Online.

“Ndarja pozitë-opozitë po shihet, nuk është diçka e habitshme në këto raste, Por, është e habitshme pak indiferenca e deputetëve, mosmarrja pjesë në votim, ‘po’ ose ‘jo’. Por mosmarrja pjesë në votim është e habitshme”, tha Haradinaj.

“Opozita e ka dhe votën kundër… Megjithatë ky buxhet, përpos që siguron vazhdimësinë qeverisëse institucionale, siguron buxhet për mësuesit, mjekët, policët, e të gjithë të tjerët”, theksoi Haradinaj.




Be the first to comment

Leave a Reply