Ja kandidati i PDSH-së për komunën e Tetovës (FOTO)




Partia Demokratike Shqiptare – dega Tetovë mbajti kuvendin e saj dhe për kandidat të komunës së Tetovës për zgjedhjet e 15 Tetorit zgjodhi Bardhyl Dautin, kurse për bartës liste, Adnan Bilallin.

Punimet e kuvendit i ndoqi Kryetari i PDSH-së, Menduh Thaçi, si dhe struktura partiake e degës. Kryetari i Partisë Demokratike Shqiptare, Menduh Thaçi në fjalimin e tij para kuvendarëve potencoi:

“Beteja e jonë politike për rikthimin e Partisë Demokratike Shqiptare në pushtet në qytetin e Tetovës ka të bëjë në rend të parë me cështjen kombëtare të shqiptarëve të Maqedonisë dhe normalisht se kjo betejë do të jetë e vështirë, shumë e rëndë dhe e mundimshme. Në anën tjetër kjo betejë ka një porosi të drejtpërdrejtë për të gjithë qytetarët e Tetovës: Nuk dalim në këtë betejë për interesa personale, por dalim që ti shpëtojmë qytetarët e Tetovës dhe gjithë pasardhësit tonw nipërat dhe mbesat tona prej baltës, prej papastërtisë, prej ajrit të ndotur, prej mbeturinave që notojnë nëpër qytetin e Tetovës. Unë mendoj se të gjithë tetovarët pajtohen se zgjidhja e vërtetë për këto probleme, zgjidhja e vërtetë për këtë qytet është kandidatura e profesor Bardhylit.

Në fund, po them një faliminderim që u takon njerëzve të vërtetë që e mbështesin këtë parti. Sigurisht që njerëzit e vërtetë janë ata që nuk hynë nëpër kandidatura, ata që bëjnë kompromise dhe ata si Bardhyli që kur i japim një detyrë tjetër e lëshon njërin post. Po, Bardhyli sigurisht që do tju bëj apel edhe konkurentëve tjerë që kështu të veprojnë edhe pse ata nuk do të veprojnë. Suksese dhe shëndet”




Be the first to comment

Leave a Reply