Labinot Tahiri: Nëse Lista Serbe e voton demarkacionin, unë nuk do ta votoj




Deputeti i Aleancës për Kosovë të Re (AKR), Labinot Tahiri ka theksuar se nëse Lista Serbe e voton demarkacionin e Kosovës me Malin e Zi, ai nuk do ta votojë atë.

Ai në një prononcim për Telegrafin ka thënë se deputetët e Kuvendit të Kosovës nuk duhet të varen nga votat e Listës Serbe.

Ndryshe, sot po mbahet seanca plenare e Kuvendit të Kosovës për Marrëveshjen e Demarkacionit, në të cilën po mungojnë deputetët e Listës Serbe.

Qëndrimin kundër Marrëveshjes së Demarkacioni, e kanë shprehur deputetët e Lëvizjes Vetëvendosje (VV) dhe atë të Grupit të Deputetëve të Pavarur (GDP).

Në seancë është duke munguar edhe deputeti i Lidhjes Demokratike të Kosovës (LDK), Ramiz Kelmendi, i cili është duke marrë trajtimin mjekësor jashtë Kosovës.

“Do ta mendoj votën time, nëse janë mbi 80 vota. Kuptohet, se Lista Serbe pa favore nuk e voton një gjë të tillë, dhe unë si deputet i vetëm në Kuvend e mendoj versionin tim nëse kjo punë është një moll sherri. Kam qene pro dhe jam, nëse shembull vota do të varej vetëm nga Shqiptarët. Por, po pres se si po zhvillohen temat deri te koha votimit”, ka shtuar Tahiri.




Be the first to comment

Leave a Reply