Mosha e duhur kur duhet filluar të pihet kafe




Edhe pse ekspozimi pra kafesë nëpër lokale është i pashmangshëm ekspertët në fakt mendojnë se për fëmijët dhe adoleshentet duhet pasur shumë kujdes.

Si i ndikon fëmijët kafeina?

Kafeina është në fakt stimulanti i sistemit nervor qendror i konsumuar më tepër. Përveç se ndikon në sistemin nervor duke e bërë të vështirë të flemë gjumë, kafeina shkakton edhe varësi. Si të rritur ne mund t’i menaxhojmë më mirë efektet e kafeinës dhe në disa raste kafeina mund të jetë edhe dobiprurëse për ne.

Por efektet e kafeinës te fëmijët janë më të dukshëm. Krahasuar me të rriturit, fëmijët dhe adoleshentët janë përgjithësisht me të vegjël dhe zakonisht nuk përdorin kafeinë- dy arsye bazë pse kafeina është shqetësim për ta. Ndërprerja e gjumit është veçanërisht e padëshirueshme, pasi trupat dhe mendjet që janë duke u zhvilluar kanë nevojë për gjumë të mjaftueshëm. Përveç kësaj, edhe doza të vogla të kafeinës mund të kenë efekt në rrahjet e zemrës dhe në presionin e gjakut të fëmijëve.

Rritja e konsumit të pijeve energjike

Pijet energjike janë një tjetër burim i kafeinës për të cilat nuk jemi dhe aq të vetëdijshëm. Thuajse inekzistente para viteve 2000, sot këto pije janë një burim konsumimi i kafeinës për fëmijët dhe shumë më të rrezikshme se kafeja, pasi ne nuk e kemi idenë se çfarë përmbajnë këto pije. Kafeja përmban më tepër kafeinë, por pijet energjike përmbajnë shpesh përbërës që mund ta bëjnë kafeinën më të fuqishme dhe në këtë mënyrë më të dëmshme.

Kur duhet të pinë kafe fëmijët?

Pse duhet t’u japim fëmijëve një produkt që përmban një substancë të cilësuar si drogë stimuluese dhe që krijon varësi? Sipas specialistëve është mirë që fëmijët nën moshën 18 vjeç të mos pinë kafe. Në ndonjë rast adoleshentët edhe mund të lejohen të pinë pak kafe, por jo ta bëjnë këtë një zakon të përditshëm. Është mirë që ne si prindër të përpiqemi t’i bëjmë fëmijët të kuptojnë efektet e kafeinës dhe t’i minimizojnë ato duke mos pirë pije me kafeinë afër kohës së gjumit, t’i pinë këto pije me ngadalë dhe të mos e teprojnë me sasinë.




Be the first to comment

Leave a Reply