“Thikë pas shpine?” Flori Mumajesi lidhet me shoqen e ngushtë të Elvana Gjatës




Edhe pse ka lënë vendin tonë për t’ju dedikuar karrierës ndërkombëtare, Elvana Gjatën duket se do ta “përndjekë e shkuara.”

I “dashuri i saj i zemrës” Flori Mumajesi, duket se ka gjetur ngushëllim tek mikesha e saj e ngushtë, Liberta Spahiu, për të cilën ka lënë madje edhe Tiranën.

Edhe pse nuk kanë folur as njëri, as tjetri për lidhjen e tyre, duket se kantautori dhe moderatorja janë duke hedhur hapa seriozë në lidhjen e tyre.

Ka qenë miku i tyre i ngushtë, moderatori Alaudin Hamiti që u ka nxjerrë sekretin e marrëdhënies së fshehtë që po përpiqen të mbajnë Flori dhe Liberta, që nga muaji prill ku mediat zbuluan se mes tyre kishte nisur një histori pasionante.

Alaudini, i cili rri non stop me Libertën dhe Florin, që kur ata nisën lidhjen, ka zbuluar indirekt se lidhja e tyre jo vetëm që vazhdon, por është konsoliduar edhe më shumë.

Madje për t’i bërë qejfin mikeshës së tij, Alaudini i ka dorëzuar Florit emisionin që ka më shumë për zemër dhe që e moderon prej vitesh, programin e Vitit të Ri, shkruan “Panorama”.

“Kam kënaqësinë dhe nderin që këtë vit prezantimin e “’NIN festiv’ t’ia dorëzoj mikut tim Flori Mumajesi! ‘NIN festiv’ as never seen before…”, ishte njoftimi që moderatori më i pëlqyer në Kosovë, Alaudin Hamiti dha për ndjekësit e tij pak ditë më parë.

Por jo më kot Alaudini, miku më i ngushtë i moderatores së “Prive” Liberta Spahiut, i dorëzon programin e Vitit të Ri, kantautorit që është përfolur si i dashuri i mikeshës së ngushtë.

Deri tani kemi ditur se Liberta Spahiu ishte një nga mikeshat e ngushta të Elvana Gjatës, ish-partneres në muzikë dhe jetë sentimentale të kantautorit, Flori Mumajesit.

Dhe vetëm pak muaj pas ndarjes së Florit nga Elvana, ngjarjet kanë ndryshuar komplet rrjedhë.




Be the first to comment

Leave a Reply