Zyrtare: Bayern Munich konfirmon shkarkimin e Ancelottit, tregon zëvendësuesin e tij (Foto)




Gjiganti gjerman, Bayern Munich ka zyrtarizuar prishjen e bashkëpunimit me trajnerin italian, Carlo Ancelotti.

Më herët gjatë ditës mediat gjermane dhe ato evropiane njoftuan për largimin e Ancelottit nga Bayerni.

Megjithatë, zyrtarizimi nga gjiganti gjerman, Bayerni, ka ardhur vetëm tash në faqen e tyre zyrtare.

Bayerni ka shfrytëzuar faqen në media sociale dhe ueb faqen zyrtare për të njoftuar ndërprerjen e bashkëpunimit me trajnerin italian.

“Pas një analize të brendshme në Mucnih të enjten më 28 shtator 2017, Bayern Munich ka njoftuar se klubi do të ndal bashkëpunimin me trajnerin Carlo Ancelotti me efekt të menjëhershëm”.

“Ndihmësi i trajnerit, Willy Sagnol do të marrë përgjegjësinë e ekipit në baza të përkohshme”, thuhet në kominikatën e klubit gjerman.

Ndryshe, shkarkimi i Ancelottit thuhet se pas startit të dobët të sezonit dhe Bundesliga, ndërsa kulmi ishte humbja 3-0 në Ligën e Kampionëve ndaj Paris Saint-Germain.

 




Be the first to comment

Leave a Reply